29 dicembre 2013



Toni Bruna in concerto

Basilica di S. Silvestro,
Androna dei Grigioni,
Trieste.

inizio concerto ore 20.00

Ingresso 12 € solo su prenotazione*

*Per motivi di sicurezza la basilica può contenere solo cento persone per volta e quindi per non rischiare di lasciar fuori nessuno, il biglietto potrà essere comprato all'ingresso solo previa prenotazione.

Per prenotare l'ingresso mandate una mail includendo nel testo i vostri nominativi a poniguma@gmail.com, verrete avvisati quanto prima dell'esito della vostra prenotazione.

I bambini sotto i 13 anni non pagano.

La basilica risale al XI o XII secolo e fino agli anni '60, quando si scoprí la basilica Paleocristiana di via Madonna del Mare, venne considerata l'edificio di culto piú antico della cittá.

Abbiamo voluto organizzare il concerto in questo luogo per motivi assolutamente personali e di carattere non religioso.

Speriamo di vedervi ma se non ci vedremo: bona fine e bon principio a tutti.

Dove si trova e come arrivare:

La basilica di San Silvestro si trova a fianco della Chiesa di Santa Maria Maggiore. Vi si accede salendo la grande scalinata che parte da Via del Teatro Romano oppure da Piazza Barbacan o da via Donota. Non sarà diffcile trovarla.

NOTA:
Forse qualcuno si chiederà perchè sta volta il concerto è a pagamento.
Si paga perchè bisogna affittare la basilica, bisogna pagare la Siae e perchè ogni tanto pagare i musicisti è cosa buona e giusta.


24 dicembre 2013

Ma cossa servi aver un sito se dopo te scrivi i concerti co te li ga za fati? No se sa…
Insoma, ve conto lo stesso che ierimo in giro, che anche sta volta gavemo masiná sai chilometri, che gavemo speso sai schei de benzina, de autostrada, per magnar mal pei bareti ma che in compenso gavemo conosú anche bela gente, visto bei posti.
Eco do che ierimo:

5 novembre 2013 Padova, Italia - Radio Blu
14 novembre 2013 Roma, Italia - 2n
15 novembre 2013 Cassino, Italia - Nuove Officine Generali
16 novembre 2013 San Gemini, Italia - Bar Il Dopolavoro
17 novembre 2013 Roma, Italia - Rai 2, Wakeup Revolution
18 novembre 2013 San Benedetto del Tronto, Italia - Monfleurie

12 dicembre 2013 Vigevano, Italia - Teeria Passaggi di Tempo
13 dicembre 2013 Milano, Italia - La Scighera
14 dicembre 2013 Parma, Italia - Osteria da Virgilio
15 dicembre 2013 Pisa, Italia - Teatro Rossi Aperto
21 dicembre 2013 Torino, Italia - El Barrio


23 setembre 2013

Xe pasá un tempo infinito dal ultima volta che go scrito qualcosa, tante robe xe pasade, robe bele, robe meno. Piú bele diria.

Ve conto per esempio che Niegazowana, eticheta de Vigevano, ga deciso de ripublicar Formigole in aprile del 2013. Questo in teoria vol dir che semo piú seri, gavemo un eticheta, la gente parla de Toni Bruna sui giornai de musica, ogni tanto se lo senti anche per radio. Schei ancora gnente ma sai sodisfazion...sai sodisfazion.

Qua podé leger tute le bele robe che i ga scrito.
Ve conto che in sto periodo gavemo soná bastanza in giro, gavemo conosú gente, visto posti, magná e bevú robe nove, respirá, vardá con altri oci.

Gavemo perso per strada (spero solo temporaneamente) amici e musici come Andrej Pavatich e Massimo Tunin ma ghe ne gavemo anche trovadi altri, xe torná Raffaele Podgornik ale percusioni e Jan Sedmak che fin l'altro giorno disegnava e basta, deso el sufia anche in tel clarineto. E come che el sufia!

De contar tuto in una volta desso saria longa e pasar le giornade a scriver per internet me par de butar via el tempo, se volé co se vedemo ghe ne parlemo de persona.
L'autuno 2013 in teoria dovessi portarne a sonar in tuta Europa ma al momento gavemo poca roba confermada.
In ogni caso per le novitá mi ve consiglio de tignir de ocio piú che altro la pagina Feisbuc, che no xe sai per mi ma che i me disi che funziona.

Eco tuto qua, bele robe, živijo!


Noi ierimo qua:


6 giugno 2013 Izola, Slovenija - Kino Otok
1 giugno 2013 Roma, Italia - Forte Fanfulla
31 maggio 2013 Roma, Italia - Radio Cittá Aperta
30 maggio 2013 Roma, Italia - Angelo Mai
29 maggio 2013 Trieste, Italia - Palazzo Gopcevich
25 maggio 2013 Mestre, Italia - Radio Base
24 maggio 2013 Milano, Italia - House Concert
23 maggio 2013 Verona, Italia - Bellon's Pub
18 aprile 2013 Bologna, Italia - Radio Cittá del Capo
12 aprile 2013 Milano, Italia - Radio Popolare/Auditorium Demetrio Stratos
11 marzo 2013 Venezia, Italia - Paradiso Perduto
28 febbraio 2013 Ljubljana, Slovenija - Metelkova/Gromka




26 dicembre 2012

Ecoci qua, cosa ve conto?
Ve conto che andaremo in tour in genaio visto che no xe finí el mondo.
Mi speravo che fazessi un bel boto e inveze gnente.
Eco le date:

6 genaio 2013 Trento, Accademia 21.30
8 genaio 2013 Bergamo, Circolo Maite 19.30
10 genaio 2013 Milano, La Scighera 19.30
12 genaio 2013 Torino, Blah Blah 22.30
17 genaio 2013 Barcelona, Tinta Roja 20.30

Se se de quele parti e vole vignir adeso savé dove e come.

Qua ve meto anche un bel manifesto che ga fato el maestro Jan Sedmak.
Saluti.





1 setembre 2012

Dal vivo al Luna's de Sacramento, California.
Se gavè voia, saremo là.




29 agosto 2012

Un scampon a Insight un programa de la Capital Pubblic Radio.
In direta qua dale 10.45 alle 11.00 che per voi saria dale 20.45 ale 21.00.
Se scolta diretamente dal sito...se volè.




4 agosto 2012

Conzert al Red Poppy Art House de San Francisco, California, USA.
Per chi che xe de ste parti…




28 giugno 2012

De quel che i me disi i ga trasmeso una bela sonada che gavemo registrà nei studi de la Rai de Trieste, la trasmision iera Jazz e dintorni del signor Piero Pieri.
La sede de la Rai de Trieste xe un posto de no creder, i ga dei studi che xe restai bloccai nei ani sesanta, legno e veludo e lampade de acrilico bianco. Belisimo.
Ma la gente che ga in man la baraca là, no xe che ghe interesa sai, i fa un do telegiornali, un servizio sul carneval de Muja, la Barcolana e via. Guai che te ghe vadi là co un’idea.
Sul teto xe una teraza coverta da cui te ga una vista de Trieste a trecentosesanta gradi e mi ghe digo: "ciò, se podesi far rassegne de musica barocca al tramonto trasmesse in Mondovisione!"
Sa cosa che i me ga dito?
Che no se pol.

Se volè scoltarve la registracija no so cosa dirve perché mi go el disco ma no lo posso publicar perché oviamente xe de proprietà de la Rai (!) e sul sito el podcast no esisti.
I ne ga fato anche una intervista ma i ga perso el file i me disi.
Ma voi cosa ve par?
Me piasesi saver sul serio, scriveme, l'indirizzo xe el solito: poniguma@gmail.com
Per fortuna che iera Ivan Doglia a far foto. Jazz e dintorni. Ecole.
E Fabrizio Plisco col aiuto de Francesco Capodieci a far un picio video: ecolo.




2 giugno 2012

Bon, semo andai a sonar al Isolacinema Film Festival a Isola/Izola in Slovenija.
Bel, sai bel.
Gavemo sonà giusto tre tochi prima del film de Andrea Segre “Io sono Li”.
Lori pareva contenti e noi anche.




18 magio 2012

Esci in Spagna el cd The Zibaldone Radio Experience, curada dal pirotecnico Steven Forti
per Radio Contrabanda. Una compilacija de tuti i musici che se pasai per la storica emitente indipendente de Barcelona.
Perché ve conto ste robe?
Perché dentro ghe xe una version inedita de Baiamontiiiiii.

E qua se volè ghe xe el link per scoltar la presentazion del disco alla Radio Nacional de España: ecolo.

Al minuto 35.40 se volè cascar de la sedia de le ridade, dopo la canzon, merita.




1 magio 2012

Per chi che iera no go altro de dir che: grazie de cuor per esserve calai con noi nela bolgia infernale.
Per chi che no iera saria tropo longa de contar.

Solo me resta dei dubbi che no me lasa dormir:
1. a voi ve par normale che con tuti i bei posti che xe in Carso bisogna serarse in un tendon de pvc piantà in mezo a un campo de piere senza gnanche un albero?
2. ve par normale che con un dei migliori impianti che se pol trovar a Trieste fisci tuto del inizio a la fine?
3. ve par normale che se organizi una festa pel primo magio sul Carso (del 1 magio!) e tuti i cartei sia solo per talian?

Se qualchedun legi sta robe che scrivo e ga voia de scriver e de dirme cosa che 'l pensa, eco, l'indirizo xe sempre quel: poniguma@gmail.com




27 aprile 2012

In Orbita night la festa dei Russi ovvero de la trasmision che va in onda su Radiocapodisrtia e curada da Ricky e Elisa Russo.
Ierimo noi e Stefano Edda co la banda. Potentissimi dal vivo!




7 aprile 2012

I muli de Sentieri Sonoridisi che “Formigole” xe el disco rivelazion del 2011.
Ecolo.
Che forti…grazie.




6 aprile 2012

Insoma a voi cosa ve par che uno devi andar a Barcelona per conoser Steven Forti che xe un tipo spaziale de Trento e che a sua volta me presenta per corrispondenza Rajko Pertot che xe un altro personagio de no creder sloven de Trieste che vivi a Ljubljana e che a sua volta ne invita a sonar in sogiorno de casa sua?
Cusì xe le robe, bela gente a Ljubljana, bele robe.
Se savè leger sloven questo xe quel che i disi de noi a Lj: ecolo.
Se no savè leger sloven come mi, dovè spetar che i muloni ne fazi la traduzion, presto, presto.




23 marzo 2012

Solo al Round Midnight.
Perchè solo?
Perchè no?
Cusì per cambiar, per no far sempre le stese robe, per guadagnar più bori anche...ovio. Con quel che paga i locai go aprofità de lasar i musici casa e tignirme tuto per mi.
Xe sta un bel concerto, un fricheton diria: “iera una bela energia” e mi, che come che disi Franc son un poco fricheton, ve digo che iera proprio una bela energia.
Grazie per bater le man e zigar tra un toco e l’altro, grazie anche de più per star ziti e scoltar mentre che sonavo.
No xe poco, fa sentir ben.
Grazie.




6 gennaio 2012

Sicome questo xe l'ultimo anno per tuti, xe de viverselo ben per cui chi che pol no lavori, no se incazi, no guidi l'auto, magni ben, vardi un bel tramonto co ga ocasion, opur vegni a Barcelona dal 22 al 25 a scoltarne a noialtri che saremo là per le sconte a far un pochi de concerti.





Alora Le cucine Mandarosso xe in Calle Verdaguer i Callis 4 (Palau de la Música),
metro Urquinaona (L1, L4)
Mentre el Pastis xe in Calle Santa Monica 4, metro Dressanes




24 dicembre 2011

I muli de Sentieri Sonori su Radio Ara disi che Formigole xe uno dei loro dischi preferidi del 2011. Per i curiosi e i increduli eco qua al minuto 41.19.




18 dicembre 2011

Semo andai con Alben Banji e Massimin a trovar Filo e Cler, i simpatici conduttori de "Make up" a Radio Fragola. Noi se gavemo divertì a sonar e se volè farve un idea clichè qua.




13 dicembre 2011

Gianfranco Franchi parla de le Formigole su Lankelot e su Tiscali.
Cosa dir? Diffcile de dir ...a parte grazie e grazie ancora.




23 novembre 2011

Eco qua insoma sta storia de la "Sshh night" no me pareva miga mal anche se mi sta roba del inglese me stufa dopo un poco...
L'idea che uno vegni a scoltar un altro sonar co l'intenzion de meterse là e scoltar digo...no xe mal.


Chi che no ghe piasi l'idea resta a casa, no vien a bever birete al banco e a parlar de la partida...miga mal.

E poi ghe sarà ste mule de Reykjavic Pascal Pinon che le canta anche lore in una lingua che sa solo in pochi e le camina per sti posti de no creder e le sona pian pian pian. Ma cosa no 'ndasi in Islanda voi altri?
E poderè costruir anche scatole de fiamiferi.

Dove? al Etnoblog.







22 novembre 2011

Per tuti, ma sopratuto per chi che pensava che toni bruna solo gavessi podù finir sul Picolo nela cronaca nera: eco qua.




12 novembre 2011

Eco el link per scoltarve el live de Radio Capodistria.




11 novembre 2011

No so se gavè notà la data, 11-11-11 ale 11 de sera va in onda la replica del live de In Orbita e per i recidivi presto anche in strimin.
Radio Capodistria 97,7 - 103,1 - 103,6 MHz




9 novembre 2011

Ale sei de sera va in onda sule frequenze de Radio Capodistria el live de In Orbita.
Ierimo mi, Andrej e Massimin. Chitara, bateria zota, trombeta e vosi.
Radio Capodistria 97,7 - 103,1 - 103,6 MHz




3 novembre 2011

Finalmente le foto del Formigole Tour.
Ancora grazie per aver rodolà con noi.
Deghe un ociada nela sezion foto.




11 settembre 2011

Concerto al Pastis, storico localaccio de Bracelona con tanto de cesso spuzolente e do diti de polvere per tuto.
El paron, Josè Angel de la Villa xe sempre lui de quando che i ga verto, el spina le bire e insieme el manovra anche el mixer e le luci. Ghe vien meio le bire ma l’atmosfera no xe gnente mal.
Foto qua.
Sito del Pastis




9 setembre 2011

Ospite in Radio Contrabanda a Barcelona con Steven Forti al microfono e el Maestro Riccardo Massari Spiritini al micro Korg per l’occasion.
Tochi dal vivo e dal disco e sai bele ciacole su lingua e dialeto.
Radio Contrabanda xe una radio libera come che no ghe ne vedevo da tanto, i trasmetti da un quinto pian de un vecio palazo che guarda drito in Plaza Real.
Trovè el podcast qua, bisogna zercar un poco: clichilo.
Qualchedun ga filmà: ecolo.
E qualche altro ga fato foto: gradisca.




29 agosto 2011

Ospite de Barbara Urizzi in un studio radiofonico gonfiabile.
Un do ciacole e un per de tochi dal vivo e dal disco, soto i archi de piera del mercato de Capodistria.
Radio Capodistria, La Radio Fuori se ciama.


21 agosto 2011

In Orbita! Ecolo.
Ciacole insieme con Ricky Russo, Ettore Schmitz e Formigole che gira.
Scolta




20 agosto 2011

Sai bele parole su le Formigole a cura de Andrea Rodriguez:ecole.




1 luglio 2011

Sabato 9 luglio tornemo a farse la stessa domanda: "Trieste Dormi?".
Da un idea de Stefano Schiraldi, la rassegna de cantautori e poeti in dialetto triestin xe rivada ala seconda edizion, a no po.
Qua te ga tute le informazioni necesarie e non.




21 giugno 2011

Finalmente "Formigole" in vendita al Knulp in via Madonna del Mare 7/A e anche ala libreria In der Tat quela in via Diaz 22 sul canton, a Trieste.




11 giugno 2011

Toni Bruna e Stefano Schiraldi sona insieme al "Circolo Stella" de Soto Longera, per convinzer i ultimi indecisi che al referendum bisogna votar si, si, si, si. Deso no voio dir che grazie a noi...ma insoma...




3 giugno 2011.

El secondo video "iazo" che fa parte de la "Triologia Carsica" xe disponibile su youtube. Ailo qua.




28 magio 2011.

La prima parte del Formigole tour finisi con un grande concerto al bagno Ausonia. Volesimo ringraziarve tuti per averne sostegnù e onorà con la vostra presenza durante tutta la setimana. Per averne fato capir che no semo soli, per averne fato capir che se là.
Grazie per aver impinì el tram, mandà mesagi in radio, eser andai a culatada sul fango fora de la galeria.
Grazie, bel livor.





22 magio 2011.

El primo video "Elvino" che fa parte de la "Triologia Carsica" se pol veder su youtube.
Ailo qua.




20 magio 2011.

Fora el disco. Pronto. Finì. Ecolo